> ચર્ચામાં શા માટે ?
- પ્રધાનમંત્રીશ્રીએ 03 OCT 2020ના રોજ વિશ્વની સૌથી
લાંબી ધોરીમાર્ગ પરની ટનલ ‘અટલ ટનલ’નું
મનાલીમાં આવેલા તેના દક્ષિણ હિસ્સાથી ઉદ્ઘાટન કરીને રાષ્ટ્રને સમર્પિત કરી.
- સરકારે જણાવ્યું કે અટલ ટનલ એ
આત્મનિર્ભર બનવા માટે દેશના દૃઢ નિર્ધારનું ઉદાહરણ છે.
- પ્રધાનમંત્રીએ હિમાચલની ગિરીમાળાઓમાં
સૌથી દુર્ગમ એવા પીર પાંજલ પ્રદેશમાં આ ટનલના નિર્માણ કાર્ય બદલ સીમા માર્ગ સંગઠન
અને ભારતીય એન્જિનિયરોને અભિનંદન પાઠવ્યા.
> મુખ્ય બાબતો :
- આ ટનલ અગાઉ રોહતાંગ ટનલ તરીકે જાણીતી
હતી, 25 ડિસેમ્બર 2019 (શ્રી
વાજપેયીજીના જન્મદિવસ) થી સરકાર દ્વારા
સત્તાવાર નામ ‘અટલ ટનલ’ રાખવામાં
આવ્યું.
- સમુદ્રની સપાટીના સ્તર (MSL)થી 3000 મીટર (10,000 ફુટ)ની
ઊંચાઇએ વિશ્વની સૌથી લાંબી ટનલ છે.
- ટનલની લંબાઈ : 9.02 કિલોમીટર લાંબી
- ટનલનો આકાર : ક્રોસ-સેક્શન
- આ ટનલ મનાલી અને લાહૌલ-સ્પિતિ ખીણપ્રદેશને
આખુ વર્ષ જોડશે.
- અગાઉ દર વર્ષે ભારે હિમવર્ષાના સમય
દરમિયાન અંદાજે 6 મહિના માટે આ ખીણ પ્રદેશ વિખુટો રહેતો હતો.
- હિમાલયની ગિરીમાળાઓમાં પીર પાંજલ
રેન્જમાં અતિ અદ્યતન વિશિષ્ટતાઓની મદદથી આ ટનલનું નિર્માણ કરવામાં આવ્યું છે.
- આ ટનલના કારણે મનાલી અને લેહ વચ્ચે 46
કિલોમીટરનું અંતર ઘટી ગયું છે અને અંદાજે 4થી 5 કલાકની મુસાફરીનો સમય બચશે.
- સેમી ટ્રાન્સવર્સ વેન્ટિલેશન, SCADA દ્વારા નિયંત્રિત ફાયર
ફાઇટિંગ, ઇલ્યુમિનેશન અને મોનિટરિંગ સિસ્ટમ્સ સહિત શ્રેષ્ઠ
ઇલેક્ટ્રો-મિકેનિકલ સિસ્ટમ્સનો ઉપયોગ.
- પ્રોજેક્ટની જાહેરાત તત્કાલિન વડા
પ્રધાનશ્રી વાજપેયીજીએ 3 જૂન, 2000ના રોજ કરી હતી.
- 6 મે, 2002ના રોજ આ કામ BRO (બોર્ડર
રોડ ઓર્ગેનાઇઝેશન)ને સોંપવામાં આવ્યું હતું.
- 2005માં આ ટનલનું નિર્માણ કરવા માટે
રૂપિયા 900 કરોડ ખર્ચનો અંદાજ હતો. પરંતુ વિલંબના કારણે ખર્ચ ત્રણ ગણો રૂ. 3200 કરોડનો થયો.
> સંભવિત ફાયદા/લાભ :
- લેહ- લદાખના ખૂબ જ મોટા હિસ્સા માટે
જીવાદોરી બનશે
- મનાલીથી કિલોંગ વચ્ચે 3-4 કલાકની
મુસાફરીનું અંતર ઘટશે.
- ખેડૂતોને દિલ્હી તેમજ અન્ય બજારો સુધી
સામગ્રી હેર-ફેરમાં સરળતા
- લાહૌલ ખીણ અને લદ્દાખના રહેવાસીઓના
પર્યટન ક્ષેત્રે આજીવિકાને વેગ.
- સુરક્ષાદળોને નિયમિત પૂરવઠો
પહોંચાડવામાં અને પેટ્રોલિંગમાં મદદ
સ્ત્રોત : 03 OCT 2020, PIB Delhi, GoI